حكيم عيون

حكيم عيون سوريا الكرسي غمى عينيه

وداس ووشوش صافية والدم غطى أيديه

يا بلدنا يا غالية غطي الشهيد .. ضميه

بشار صبح اعصار وعقله ضل وفسد

حتى لو ابن الاسد

يعني امه هتكون أيه

صوت المدافع نغم بيطرب الثوار

والدم لون.. رسم وردة في وسط الدار

والضحك وسط الالم من شيمة الاحرار

يا سوريا قومي افرحي الشهداء بالالوفات

وشهيدنا عمره ما مات

ده في جنة الابرار

كتائب السفاح ياألف حسرة وأسف

زارعة الحواري سلاح والشعب هوا الهدف

وأما القناع انزاح وجه الحقيقة انكشف

شوفوا الزعيم البطل بيسلم الجولان

وبينحرالشبان

اهل النضال والشرف

سكون الجسد

قتلوك يا قذافي ومثلوا بجثتك

ورجعوك حافي وشردوا اسرتك

مش كنت متعافي دلوقتي فين قوتك

للكون اله مقتدر والحول والقوة

والملك ليه هوا

وعليه حساب آخرتك

ملك ملوك وعقيد وانت الامل والبطل

ويوم ميلادك عيد يا فاتح المعتقل

وبأيه ده كله يفيد لحظة ما ييجي الاجل

لحظة خروج الروح ..لحظة سكون الجسد

مكتوب تكون للابد

للخلق عبرة ومثل

دين وحياة

ان قولنا شرع الله قال الجهول "لأة"

وان قولنا دين وحياة قال أصر ومشقة

والجهل داء ودواه النصح وبرقة

ادعي لسبيل ربك بالحكمة والموعظة

والكلمة لو موجزة

هتكون اكيد فارقة

جربنا كل السكك ماعادا أسلامنا

حتى في طين البرك لطخنا اقدمنا

ويارب يا نحكمك يانتوه في ايامنا

وديننا رحمة وعلم مش قطع ايد او جلد

ده طريق بيهدي العبد

لمكانه في الجنة