Powered By Blogger

كباب حلة

تاكلوا كباب حلة وتطفحوني الفت
ونمت ع الملا وسطي اتقطم ونشفت
زمن السكوت ولى خلاص زهقت ..قرفت
هعملكوا مدونة اشعار تعيش للابد
يا مسؤلين البلد نهاركوا زي الزفت

بحث هذه المدونة الإلكترونية

الجمعة، 3 مارس 2017

"المهم نكون كده"

"المهم نكون كده"
 
الحزن عشش ع الوشوش
والخوف سكن فِـ الأفئدة
بس الزعيم
قال ماتخافوش
أحنا المهم نكون كده
قال ماتناموش
وماتطفحوش
وماتحلموش
وماتنطقوش
وماتطلبوش
حتى القروش
ماتشمتوش
فينا العِدا
قولنا تمام حاضر يا بيه
سمعاً وطاعة لحضرتك
ورينا بس هتعمل ايه
واشرح وبَيِن خطتك
دَوَّر شمال
دَوَّر يمين
الخطة ياض وديتها فين؟
ضاعت يا شعب السكرانيين
والغلطة كانت غلطتك
آدي اللي قولت عليه حويط
وهيبقى ليك
ستر وسند
افكاره طلعت بزراميط
داير بيشحت ع البلد
يا أمة ثوري
وأغضبي
وأمشي فِـ طريقنا
وجربي
الثورة نهر هتشربي
هتطهري الروح والجسد

شعر : محمد صلاح 

"لأنك شمال"

"لأنك شمال" 

لأنك شمال
هتفضل تطارد ولاد الحلال
وتفتح قصاد المنافق مجال
إيديك الغبية
تحب الأذية
تشرب "أمية"
وتجلد "بلال"
"بلال" ع المشانق
وجوة السجون
"أمية" حبيبك لأنه بقرون
وشايفك زعيم البلاد الحنون
ومجدع
وتقدر ترضع
عيال
لأنك شمال
برغم أمتلاكك آلاف من "أمية"
تطبل وترقص كرقص الغزية
وراضية الدنية
وبايعة القضية
بـ "جايز" و"يمكن" وألف أحتمال
"بلال" لسه ثاير ورافض نظامك
بنوره
وحضوره بيكشف ظلامك
وعارف تمامك
وقدر مقامك
فَـ قرر يبيعك فِـ سوق البغال
لأنك شمال
خروج المظاهرة فِـ نظرك خيانة
وصوت المعارضة أساءة وأهانة
ولو حد فكر يمس الحصانة
نهايته قضية وجواب أعتقال
هتقفل طريقنا بحاجز ومانع
هنجمع شتاتنا ونحيي الدوافع
تهدد بنشر الجنود فِـ الشوارع
لأ أصحى بروح أمك ده يبقى أحتلال

شعر : محمد صلاح

"جائنا هذا البيان"

 "جائنا هذا البيان"

جــائـنــــا هــــذا الـبــيــــان .. مـن رئـاسـة الـجمـهوريـة
أيـهــا الـشـعــب الـجــعــان .. أتـقــفــل بـــاب الـتـكــيـــة
تـم رفـع الــدعــم عــنـكـــم .. لأجـل مـا نـسـمـم بـدنــكـم
واللي صوتـه هيعلـى مـنكم .. نـستـضـيـفـه فِـ الـلـومــان

البوليس مــن حـقـه يحبـس .. فِـ اللـي رايـح واللــي جـي
والـمـواطــن لـمــا يـلـبــس .. الخـازوق مـايـقـولــش أي
وأحـنـا هـنـخليــه مــغــري .. تلبسوه بـشـويـش يطــري
ع اللي كان ممسوك تحري .. وأمـه رقـصت فِـ اللـجـان


أنـتـهى زمــن الــكـرامــــة .. أسرائيـل هتكون صديــق
والـزعـيـم مـن غير حمامة .. للـسـلام فـاتــح طــريـــق
الـصهـايـنـة نـور عـينـيـنـا .. من جديد راجعين لـ سـينا
وأم لـيـڤـي هـتـبـقـى نـيـنـا .. ده أحنا أهل ومش جيـران


عـشتـوا عـــن أبــاً وجــداً .. نـاس غـلابة وع الـحديـدة
فـقـرا خالص .. فـقرا جداً .. يعني حاجة مـش جـديــدة
ع الــوجـــع مـتـعـوديـــن .. مـطحـونيـن طول السـنين
والـكـبــار مـتـريــشـيـــن .. ينـعـمــوا بـأمــن وأمـــان


أمـا بـخصـوص المجاعة .. اللي جـاية وأيـه ظـروفها
دي الـحقـيقة مـش أشاعة .. بـلحـة ناوي يجيب دُرفها
السلع في السوق هتنقص .. والبشر هي اللي ترخص
فَأنتحر يا شعب وأخلص .. فـضـي فِـ الـكـوكب مكان


أنـتــهـى نـص الــبـيـان
شعر : محمد صلاح

الاثنين، 2 مايو 2016

" ابن الكئيبة "

" ابن الكئيبة "

مـصــر البـهـية العـفيـة .. بـأديــك قـلـبـــت زريــبـة
خـليـك مـكـشـر مــاهـيَّ .. نـقـصـاك يـا ابـن الكـئيبة
وفـاكرهـا عـزبة ووسية .. ابـو الـف يـتـبــاع بـ مـية
وضـعـيف وخيبتك قوية .. والـخيـبـة بـتـجـر خـيـبـة

بـالـسلطـة مـغرم صبابة .. فـاجـر مـاتـعـرفـش عيبة
فـاشـل في دعـم الغلابـة .. شاطر في جمع الضريبة 
حـوالـيــك أتـبـاع غـبـية .. أشـرف ما فـيـهم غـزيـة 
ومعارضة فافي وطرية .. ووجـودهـا اكـبر مصيبة 

شعر : محمد صلاح   

" باب العبيط "

" باب العبيط "

سيساوي يا ابني بلاش تهييـس 
وقـوللــي كـلـمــة مـفـهـومــــة 
هـو انـت يـا تـعـرص لرئيــس 
يـا تـروح تـطــبـل لــحـكومــة 
انـت وزمـايـلك لـيه بـلابـيص 
وبترقصوا ولابسين قراطيص
اللـيـلـة تـلـبـس احـلى قـمـيص 
ده فـرحــك انـت وهــنــومـــة 

اقــولك الـحــكـــم شــمــولــي 
والـمـعـتـقل مـليـان مـحابـيس 
تـغـلـط فـي عـمـك مـدبــولـي
وتـعتـبـرنـي مـن الـجـواسيس  
سيساوي اهدى بلاش هـيجان 
واعـقـل شـويـة كـفـايـة جنان
بـيصـنـفـــوك ازاي انـســـان 
وانت جاموسة من الجواميس   

شعر : محمد صلاح

" قلبي سخسخ "

" قلبي سخسخ "

حــبـك أنـت مـالوش نهاية 
مهـمـا كل النـاس لامـوني 
حــب حــولـنــي لـنـتــايــا 
حــب وقــع بـنــطــالــوني
لـو يـا سيسي تكون مـأنتخ 
لـــو هـتـغـلــط او تـلـبـــخ
من غرامك قلبي سـخـسخ 
من هواك طـلعـت قروني 
مصر تعمر مصر تخرب 
تـتمسح مـن ع الـخـريطة
ناسها تعطش ولا تـشرب 
كل دي مـواضيع بسيـطة

شعر : محمد صلاح  

" يا رب "

" يا رب "

سنـيـنـي تـفـــوت 
وانــا لـســه بـعـيــد عـنــك
واخاف مـ الموت
عشان مكسوف قــوي منك
وهـايـم فـي الحـياة وسارح 
وبـكــرة بـيــشـبـه امـبارح
مفيش عندي عـمـل صالح 
ثـوابـه يضمـني لحـصـنك 

وذنـبــي تـقـيـــل 
وطـول امـلـي بـيـخـدعني
وقـلــبـي عـليــل 
وفـي الـدنـيـا مـطـمـعـنـي
وبـالـمعـروف بـتـأمـرنـي 
وبعصي وبرضه تسترني
ولــو بـالـرحـمـة تغـمرني
قـصـاد بـابـك تـرجـعـنـي

شعر : محمد صلاح 

الأحد، 24 أبريل 2016

" الثورة فكرة "

" الثورة فكرة "

أتــبـع أثــر خـطــوتِـك .. وامـشـي ورا هـتـافِـك
لا هـجــرت يـوم سكتِك .. ولا خــنـت أهــدافِـــك
يا ثـورة شـدي الـحـيـل .. بـالـفَـجـر شُـقّـي اللـيل
ده بــكــرة حِـمل تـقـيل .. يـتـشـال عـلـى كـتافـك


أنـا اللـي فــرحــي ألـم .. أنا اللي ضحكي دموع
أنا اللـي ظهري أتـقسـم .. وصوتي مش مسمـوع 
وصحابي فِـ الـزنـازيـن .. مـظـالــيـم ومـنـسيـين
يـتـسجـنوا هُـمّـا سنـيـن .. والـعـفــو للـمـخـلـوع


عـرش الـطغـاة ملعون .. دم الـشـهـيــد غــالــي
ومـصـر مهـمـا يكــون .. هـيَّ اللـي بـقـيـــالــي 
هــيَّ الـوطـن والسكن .. وبـرغــم كـل الـمْـحَن
تـرابـهـا أرحــم كَــفَــن .. بـيَّـا وبــ عــيــالـــــي


خـلـصت سـنـين الـتـيه .. جـرح اللــيـالي خَــف
والــقــلـب هــنوضـيـه .. ونـوقـفــه فـي الـصف
أجـســاد ضـعاف إنمـا .. صنـعـنا ١٠٠ مـلـحمة 
والـحـق نـجـم فـ سمـا .. وهـنمـسـكــه بـالــكـف


وحــلــمـــنــا بــكــرة .. هيبقى صورة وصوت
الــثـــورة دي فـكــرة .. والـفكرة مـش بتـمـوت
مرسومة في ملامحي .. وعـشـانـهــا بـنضـحي 
لاجل إن يوم تـمـحي .. الـظـلــم والـحـبــروت 


شعر : محمد صلاح

" خيم سودة "

" خيم سودة "

لـحية "أبـوهـم" شـرف .. ربـيـهـا يــا شـنــودة
ودقـن شيـخـنا بــقـرف .. ع الــوش مـفـــرودة
والـراهـبـات أطـــهــار .. وفي الحجاب أحرار
والـمـسلـمــات أشــرار .. لابـسيـن خـيم سـودة

وبـلــدنـا مـاشية لـ ورا .. خطوتها خِلف خلاف
تــكــــرم ولاد الـمـــرا .. وتـذل فـي الأشـراف
مُـسـلـم ودي أرضـــي .. وبينهشوا فـ عرضي
وابن الصليب مرضي .. آمــن ومـش بـيـخاف

شعر : محمد صلاح

" البيه خرونج "

" البيه خرونج "

مش البيه خرونج برضه ؟؟ 
سـلــــم للـغُـــرب أرضــــه
آدي الـبـطـل اللــي ضـحـى
أتـاريـه خـريــج مـصــحــة 
يــا مـصــر بـجــد أحــ#@
لـوث عـرضـك وعـرضـه

شعر : محمد صلاح

" حساب الشاي "

" حساب الشاي "

أسير وقيوده خوف وسكوت .. ياباي من شعب مصر ياباي
يعـيـش مـتهـان ولمـا يموت .. يمـوت علشان حساب الشاي 
يبـيع أرضـه رئـيس هلفوت .. مـايـسألـشـي يـبـيـعـهـا أزاي

شعر : محمد صلاح

الأحد، 27 مارس 2016

" إذا الشعب"

" إذا الشعب"

إذا الـشعـب يـومـا أراد الـحـيـاة 
سـيشـقى ولـن يـستـجيب الـقـدر
هـيطلـع له مـخبر يـطرقـع قـفاه
عـشان مايقـوحشي ويعمل دكـر
لأنـه فِـ نـظـره عـن الـحـق تــاه
وخـايـن لـوطنـه وديـنــه وكـفـر
وطـلبه مـؤامرة صنعها الـغـزاة 
ودلـوقـتي واجبه تـوخـي الحـذر
فَـيرجـع لعـقـله ويـحسـب خطاه 
ويسكـت ويـرضى بـحكم الغـفـر 
ويـسنـد بـظهـره عروش الطغاة
لأن بـسقـوطهم هـنبقـى فِـ خطـر
هـتـتـمد إيــده ويـطــلـب زكـــاة 
لأمـة أستـدانـت وشـعـب أفتـقـر
وهـيصـورولـه طـريــق الـنجاة
فِـ إنــه يـأيــد زعـيـــم الـبــقـــر
تنافق رئيسـك هـتكـسب رضـاه
وتـنسـى المدمـس وتغـرق زَفَـر
هـتركـب دماغـك وتعـند مـعـاه
مصيرك هـتسكن فِـ قبر أتحفـر
لأنــه الـمـلـقـب بــظــل الألـــه
على الأرض عِندا فِـ كل البشر

شعر : محمد صلاح
  

"أسكارتة أنتيكي"

"أسكارتة أنتيكي"

يا حكومة بس اسمعي .. الله يـخــلــيــــــكـــي 
الغي الجنيه واطـبـعي .. "أسكارتة أنـتـيكـي" 
سعر الدولار هـ يعوم .. والاقـتـصاد هـيـقـوم
تلـقي الـدهب بـ الكوم .. زي فِـ قصص ميكي

عـيني عـليك يا جنيه .. بـتـتــصـرف بـبلاش 
وفِـ عـهد سِيْـدنا البيه .. جـالك شـلـل رعـاش
واخـد لـقب مـرحوم .. ويقيت يا عيب الشوم
وسـط الـقـفا مـختوم .. وبــخــتــم أمــريـكي 

يا دولــة الأفــــلاس .. يا دولــة مـشـئــومـة
خـليـتي كـل الـنـاس .. ع الـقـرش مهـمومة 
وابن البلد مـسـروق .. بـالعـافـية أو بالذوق
وبكـرة لـما يـفـــوق .. بـالـجـذمـة يـديـكــي 

شعر : محمد صلاح   

السبت، 12 مارس 2016

" عارف أمك ؟؟ "

" عارف أمك ؟؟ "
 
سهــل تـرسـم
دنيـا حـلـوة
سـهـل
تحـلـم كـل ليـلـة
والفقير
مــش لاقي كسـوة
والمريض
ما بيـده حـيـلة
تتـكـتـبـلـك الــف غــــنوة
والبلـد 
في أيديك قـتيـلـة
بس فالـح
تمــلى كرشـــك 
وترازينا بـفقـر وشـك
يبقى عرشك
جنب بطشك
غايــة بتبــرر وســيلة
 
مصر فيها
الحــــزن دايم
مصر
صابرة سنين طويلة
مصر فيها
الصبح غايم
مصر
شايلة الهم شيلة
واللي حاكم
والبهايم
طلعوا من نفس الفصيلة
أبن بلدك ليه تحاربه ؟؟
وبرصاصة تشق قلبه ؟؟
ليك يا عر@#
سؤال وجاوبه
عارف أمك ؟؟
جاتها نيلة
 
شعر : محمد صلاح
 

الأربعاء، 9 مارس 2016

" آسف على الأزعاج "

" آسف على الأزعاج "

آلو يا مصر
سمعاني ؟؟
أنا آسف على الأزعاج
لو أتألِمت
من وجعي
أو أتكلِمت بلساني
أنا اللي فِـ خلوتي
شايفك
وفاكرك
وأنت نسياني
وهيَّ خلوة أجباري
بعيد عن عزوتي
وداري
أنا فِـ زنزانة مقفولة
قفلها عليَّا
سجَّاني
وقاللي
مصر بتقولك
ماتطلبش الخروج
تاني
لا كنت عميل
ولا موتور
أنا جراح عيون
مشهور
أنا الدكتور
شريف هاني
ماطَبَّعتش
مع الأعداء
ولا أعلنت عصياني
مشيت
فِـ مظاهرة سلمية
بطالب لِك بحرية
ولقمة زاد
وحق ولاد
بدل ما تجوعي
وتعاني
هتفت بأسمك الغالي
لقيت دبابير
محوطاني
وشتماني
وضرباني
وحبساني
ولا الحيوان
وانا أنسان
وليه أتهان
فِـ أوطاني
ورغم ده كله
مش كارهك
ولا هتحسي نكراني
وهزرع لِك
جناين ورد
وأشيلك
جوة أجفاني
ونايم ع البلاط
فِـ البرد
وبتنامي فِـ أحضاني
وبدعي تعيشي
مع إني
بموت مظلوم
ووحداني

شعر : محمد صلاح

الثلاثاء، 1 مارس 2016

" الجزمة "

" الجزمة " 

الـجـزمة أيــه ذنـبـهـا .. تضـربـها بـ عـكاشة 
وتـهـيـنـهـــا وتـذلـهـا .. عـلنـاً و ع الشـاشــة 
العُـكـش بحره غويط .. وفِـ الـخـيـانـة نشيـط
يـعـمـل عـليـنا عـبيط .. يـعـمـل لُـه جُـلاشـة

شعر : محمد صلاح  

" ماشيين شمال "

" ماشيين شمال "

أنـصـاره مـتعاهـديـن .. مـا يعيـشوا غير وسخين
مـاشـيين شـمال كلهم .. مــافـهــمــش حـد يـمـين 
أتـجَـمَّـعوا المتاعـيس .. عـلى حـب أغـبى رئيس 
أحـرار ولاد أبـلـيـس .. والـشـرفــا فِـ الـزنـازيـن

شعر : محمد صلاح   

" تريكة "

" تريكة "

اللـي قـتل النـاس وأجْـرَمْ .. بَــــرَّأوه وبـيــظــلـمــوك 
جـزمـتك أشـرف وأكـرم .. مـ اللي عايزين يكسروك 

شعر : محمد صلاح

" الدم "

" الدم "

الـدم فـيكـي رخـيـص .. وعـشـــرتـك مـــرة
وتـصَـنِّـعي التعريص .. وتـصـــدري لـ برة
لا بترحمي الـمحـتاج .. لا بـلقمة ولا بـعلاج
وبـيحـكمـك هـاشتاج .. يـا دولـــة يـا عـــرة

شعر : محمد صلاح