أنا آسف
أنا آسف جدا يا شهيد ... يا اللي وفيت ندرك وزيادة
اهل بلدنا لسه عبيد ... وبيجروا ورا أي بيادة
كنت في كل ميدان بتكبر ... وبتهتف على قد ما تقدر
وتقول يسقط حكم العسكر ... وبصوتك تملانا أرادة
ماتخيلتش شعبك يرجع ... بعدك يحني جباة او يخضع
وقصاد حاكم غاشم يركع ... ويسبح له زي العادة
كل معارض بقى متطرف ... تاجر دين رجعي ومتخلف
والاعلام يعزف ويألف ... غنوة كره ولحن أبادة
والثوار قلة ومندسة ... جابوا لمصر العار والنكسة
هيموتوا وتتحرق الجثة ... جوة كفنها بكل بلادة
لكن بكرة الحلم هيكمل ... بالواقع ممكن نقبل
ولمصر هنرسم مستقبل ... عدل وحرية وسيادة
... شعر : محمد صلاح
