"وهم كبير"
مـاهـيش وطنية دي جريمة
وصوتك شيء مالوش قيمة
دي نـكـتـة بـايـخـة وقـديمة
مـفيش تغيير
وفـكـر فـي الامـور واعـقل
ورد البـاب عـلـيـك واقـفـل
ولا تـشــارك ولا تــنـــزل
ده وهم كبير
...............
هـيـروح ابــن الــعـبـيطة
واللي جي في اي زيـطـة
واللي ماشي ع الخريطة
الـلـي راسـمـيـنها بجنان
والـلـي بـجُـبـنـه وسُكاته
بـيـضـيـع ســنـين حياته
والـلـي هـيـرقص مراته
عـنـد ابـواب الـلــجــان
سـيـبـهـا لـعـبـد الـبـيادة
اصـل عـنـده الذل عاده
قـلـبـه بـيـحـس بسـعادة
لـمـا يـكـون دايـما مهان
مـالـنـا ومــال الـمُهزَّق
اللي في الطابور ملزَّق
ماحناش فاضيين نهرأ
احـنا لـسـه في الميدان
عند اخواتنا السويسة اللجنة "لايصة" كده كده
نـاس شـاهـمة وخـلـق فـاهـمـة مـش مـتـشردة
هيسبوا اللجنة فاضية ويخلوها ضربة قاضية
خـلـي انـصـار الـخـيـانـة ... تـشـبـع خـوابير
............
بحيري منوفي او دمياطي
مايـنـتـخبوش واحد واطي
حــلايـب طـنـشوا الخايب
ومش رايحين
وراك رجـالـة فـي الجيزة
نـفـوسهـم غـالـية وعزيزة
هــيــدو لـلـمــشــيــر فيزا
يوم "الاثنين"
.... شعر : محمد صلاح
ليست هناك تعليقات:
إرسال تعليق