" الشرطة في خدمة الشعب "
الشرطة
خدمت كل الشعب
بالأيد والكعب
وياما لعبت فيهم لِعب
واللي أعترض
رَبّت لُه الرعب على اصوله
غنوا وقولوا
يا صلاة الزين
والله اتنصفتوا يا مصريين
وغرقتوا فِـ طين
وشمال ويمين
كده متحاصرين
برصاص
وعسكر
وبنادق
وبـ غاز خانق
ولا شئ فارق عند الباشات
مين عاش؟
مين مات؟
القتل بيجيب ترقيات
وكمان علاوات والثورة جنون
والشيخ مأذون
بيزف عريس
انا قصدي رئيس
وشهوده جابهم جيش وبوليس
وفؤادة جوزها لعتريس
واحنا قَلَشْنا
ليه يا دهاشنة؟
ضاعت هيبتنا
وسكتنا لـ اللي هبشنا
مع إنه خسيس
وخرونج وسيس ولـ أمريكا
أبن مليكة
شغَّال سيكا واحنا قبلنا
ويّاه يضيع مستقبلنا
واهي ثورة تفوت
وشبابها يموت
فِـ المعتقل على ايد هلفوت
ولأهله يرجع جوة تابوت
وأي ثوري هيتهور
راح يتصور
هيعذبوه وهيتعور
ويكهربوه لاجل ينور
زي الفوانيس
زغرطي يا لميس
والزغروطة
فرحة يا بنت الشرم#@
الثورة طلعت مظبوطة
ع الدبابة
وسرقتوها
وركبتوها
وأحنا غلابة
هنركب أتوبيس
شعر : محمد صلاح
ليست هناك تعليقات:
إرسال تعليق