الدنيا زي الخيارة
الدنيا زي الخيارة يا صاحب السلطة
في ربحها خسارة وكلها اونطة
خاينة وغدارة هتخبطك خبطة
وتنط من ايدك وتروح لجزء مريح
مقصدش معنى قبيح
انا قصدي في السلاطة
الخلق دول كلهم منك بيتظلموا
وحتى من حلمهم دايما بيتحرموا
للجزارين سيبتهم وامرت يتفرموا
ده احنا السليم فينا مليان علل وجراح
جاله حول وكساح
والخصيتين ورموا
تسعة وعشرين سنة متبهدلين وياك
يا ديكتاتور الهنا شعبك بيترجاك
انك تغور من هنا مكسورة قلة وراك
سيب الغلابة تعيش خلي الفقير يفرح
خد بؤجتك واسرح
ورينا عرض قفاك
شعر:محمد صلاح قمصان
شعر:محمد صلاح قمصان
هناك تعليق واحد:
يا جامد يا جامد
إرسال تعليق