ضرب القفا
ضرب القفا فيه شفا ويخلي حالنا تمام
والجسم يصبح دفا وبصحة طول العام
ومفيش مريض اكتفى م الضرب بالاقلام
والمخبرين لابسين بالطو وسماعة
دكاترة يا جماعة
مش محتاجين برشام
ضرب الحبيب ده زبيب وكنافة بالقشطة
والنقطة فيها نقيب ومعاه امين شرطة
مايحبش التعذيب مايخدش بالواسطة
احنا اللي عمايلنا هتشلهم كلهم
وتملي قاعدين لهم
ع الساقطة واللقطة
ليست هناك تعليقات:
إرسال تعليق