"رسالة "
عزيزي المستشار منصور ... رسالة من عميل مأجور
في نظره ماتساويش نكلة ... وتستاهل لقب طرطور
بيمشي يوماتي في مظاهرات ... وبينظم ساعات مسيرات
ويقبض من قطر دولارات ... وبيمارس نشاط محظور
سجل جرايمك الكاملة ... معبي بلاوي بالجملة
يا قاضي بلاج على الرملة ... بتحكم بالمايوه الدمور
ما صدقت اتعزل "مرسي" ... قعدت مكانه ع الكرسي
عشان هيأكلوك "دولسي " ... وتشرب برتقال معصور
يا نايم وسط مؤتمرات ... وغاوي تشم في الشربات
في يوم ما شاركت في انقلابات ... فضحت محاكم الدستور
"باباك" السيسي حد جميل ...وبيحميك في آخر الليل
وبيغيرلك الكاوافيل ... وبيسيبك تنام في النور
عشان يتخاف من العفاريت ... بيحكيلك كتير حواديت
عن العصفورة والكتاكيت ... وعن جني وفانوس مسحور
نصيحة صريحة صوتها فصيح ... عشان تبقى رئيس بصحيح
تبطل تركب المراجيح ... وتبقى تنشف البربور
ليست هناك تعليقات:
إرسال تعليق