مصر هيا خالتي

مصر هيا خاتي

مصر هيا امي اللي حارقة دمي

شيبتني بدري شيلتني همي

زودت لي جوعي كسرت ضلوعي

حتى شوف دموعي غرقت لي كمي

مصر هيا خالتي دهورت لي حالتي

في الكامين شافتني قطعت بطاقتي

ليها ابن ظابط ع الرصيف مرابط

فوق كتافي ناطط ومبهدل كرامتي

مصر هيا اختي قطعت لي كورتي

شخبطت كتابي ضيعت لي حاجتي

اشتكيت لابوها وامها واخوها

قاموا زغزغوها آه يانا يا حوستي

مصر هيا تيتة واعية مش عابيطة

لسة فيها صحة ارملة ونشيطة
حاسة بالسعادة وبتلعب رياضة

زي احمد برادة ايدها تهد حيطة

مصر هيا زوجتي ناسية فين بيجامتي
نظفت جيوبي وان بصيت لجارتي

بتسود حياتي بالنكد يوماتي

وتسلط حماتي تيجي تنام في اوضتي 

                                                                                     شعر: محمد صلاح قمصان