القائد المعصوم
اهدرت اموالنا ياسيدنا وحلمنا اتحول لسراب
وكل مرة بتوعدنا بالتنمية وتطلع كداب
وعشرة مليار بالكامل ضيعتها لانك فاشل
وتوسكا كان مشروع فاشل وكل غلطة وليها حساب
طلعت بينا ع الصحرا وبحكمتك اصدرت قرار
بزراعة الرملة الصفرا يا عبقري يا بنك الافكار
وعملت حملة دعائية تلفزيونية وصحفية
لمد مواسير المية وزرعت مانجا طرح صبار
هوا انت ايه مستأصدنا روح خلاص مش عايزينك
اونطجي بتستكردنا وبينا حد الله وبينك
عجزت وبقيت مش شايف وهيورثك عيل هايف
وحقي هخده ومش خايف ماتبوصليش لا اخرم عينك
القائد المعصوم انت وبلدنا على ايده هلاكها
مستنيين نعرف امتى هتسيبها تفتح شباكها
انت اللي ل النار وداها خانقها وبيتحداها
وف حتة مقطوعة اداها مكسبات طعم ونكهه
شعر: محمد صلاح قمصان
شعر: محمد صلاح قمصان
ليست هناك تعليقات:
إرسال تعليق