مفتي الديار
الشيخ ابو لمعة مفتي الديار والحزب
عالم وله سمعة بالصدق مش بالكذب
وفي الظلام شمعة وللعدالة محب
وف غزة ناس بتموت وبيوت بتدمر
وفضيلته متأثر
قاعد يأزئز لب
الدين يا مسلم بقى بيزنس وسبوبة
جوه عقول ضيقة موازينها مقلوبة
من برة متزوقة من جوة كركوبة
والمسلم المخلص جنب الصلاة والصوم
بينصر المظلوم
ودي حاجة مطلوبة
مشايخ السلطان واقفين على المنبر
بيمدحوا السكران بيحللوا المنكر
والجبة والقفطان وجاهه مش اكتر
صبحوا رجال اعمال تجار فتاوى وعلم
و ان ثورت يوم ع الظلم
في شرعهم تكفر
شعر: محمد صلاح قمصان
شعر: محمد صلاح قمصان
ليست هناك تعليقات:
إرسال تعليق