تليفزيون الدولة
تليفزيون الدولة جميل ورسالته رسالة تضليل
بيجمع كل الاكاذيب وبيعمل منهم كوكتيل
اتنقل بين القنوات وانت تشوف كل الماتشات
وبرامج مغنى وحفلات وهتسمع اجمل مواويل
يمكن تنسى رغيف العيش والاصلاح اللي مابيجيش
تليفزيونا قرش حشيش وبيعمل للمخ غسيل
نازل مدح في كل رئيس ويصورهولك قديس
وكلامه لوكان تهليس بيكون اقدس م الانجيل
عن احزان الناس مشغول بيبيع رنات المحمول
والسرطان ضرب المحصول خلى الطفل مريض وعليل
متبني سياسة الحنطور سعد وشعبولا وبعرور
ويجيبلك شاعر مغمور يكتب اوبيريتات تفصيل
على قد السلطان بالظبط كلها رقص ورقع وخبط
ابياتها بتمشي على الخط ويغنيها نجم الجيل
بدل الاريال عنده قرون والمومس يلاقيلها زبون
بس ابقى اديله العربون هيوصلهالك بالليل
شعر: محمد صلاح قمصان
شعر: محمد صلاح قمصان
ليست هناك تعليقات:
إرسال تعليق