اشاعة مضروبة
في النشرة والاذاعات اشاعة مضروبة
بيقولوا صاحبك مات والدنيا مقلوبة
ودي ازمة م الازمات ماكانتش محسوبة
جريت على الشارع أسأل بكل حماس
لقيت عيون الناس
تايهة ومرعوبة
فوق عجلة المدفع علم مغطي تابوت
فينا اللي بيدمع واللي رقع بالصوت
وقلوب بتتقطع وحزنها مكبوت
زعيم بلدنا خلاص هيعزي وهيرجع
اعقل بلاش تطمع
مفيش رئيس بيموت
شعر: محمد صلاح قمصان
شعر: محمد صلاح قمصان
ليست هناك تعليقات:
إرسال تعليق