اختارناه
اختارناه..اختارناه
بوسنا ايديه وجرينا وراه
حلفناه بمامته وباباه
يغمرنا بعطفه ويحكمنا
وحنانه ينسينا همومنا
من فرحتنا نشق هدومنا
ونعيش ازهى عصورنا معاه
اختارناه مش عايزة قوالة
شوفنا في عهده فساد وبطالة
ومصانع كانت شغالة
مدت ايدها تقول لله
اختارناه علشان نتهنا
وف قوتنا وزادنا يسرطنا
وثمنا بيرخص في وطنا
والمصري راس ماله قفاه
علشان وطني ومصري اصيل
وقت الجد بيبقى عميل
ممكن فجاة يضيع جيل يمكن يرضي بلد رعباه
علشان مخلص وديموقراطي
ولامريكا تملي مطاطي
قالوا الواطي هيفضل واطي
مهما الكرسي لفوق علاه
كل الناس في ذكائه احتاروا
وهارينا بخططه وافكاره
وبندعي نقول ع اللي اختاره
روح يا سادات منك لله
شعر: محمد صلاح قمصان
ليست هناك تعليقات:
إرسال تعليق